ప్రతిపక్షం, జూలై 07: 2008 అహ్మదాబాద్ వరుస బాంబు పేలుళ్ల కేసులో గుజరాత్ హైకోర్టు కీలక తీర్పు వెలువరించింది. ఈ కేసులో 38 మంది దోషులకు మరణశిక్ష, మరో 11 మందికి యావజ్జీవ కారాగార శిక్ష విధిస్తూ దిగువ కోర్టు తీర్పును సమర్థించింది. 2008 జులై 26న అహ్మదాబాద్ నగరంలో కేవలం 70 నిమిషాల వ్యవధిలో 21 బాంబులు పేలడంతో 56 మంది ప్రాణాలు కోల్పోగా, 200 మందికిపైగా గాయపడ్డారు. ఈ ఘటన దేశవ్యాప్తంగా తీవ్ర కలకలం రేపింది. దాడికి హర్కత్ ఉల్ జిహాద్ అల్ ఇస్లామీ (హుజీ) అనే ఉగ్రవాద సంస్థ బాధ్యత వహిస్తున్నట్లు అప్పట్లో ప్రకటించింది. ఈ కేసులో సుదీర్ఘ విచారణ అనంతరం గుజరాత్ హైకోర్టు తాజా తీర్పు వెలువరించింది. ఉగ్రవాదానికి పాల్పడిన వారిపై కఠిన చర్యలు కొనసాగుతాయని ఈ తీర్పు మరోసారి స్పష్టం చేసింది.
