ప్రతిపక్షం, జూన్ 24: తెలంగాణలో లంబాడి, ఎరుకల, యానాది తెగలకు రిజర్వేషన్లు అమలై 50 సంవత్సరాలు పూర్తయిన సందర్భంగా నిర్వహించనున్న స్వర్ణోత్సవ వేడుకల నేపథ్యంలో చేపట్టనున్న ‘ఇందిరమ్మ ఆశీర్వాద బస్సు యాత్ర’ ప్రతినిధి బృందం ముఖ్యమంత్రి ఎ. రేవంత్ రెడ్డిని కలిసింది.
ఈ సందర్భంగా యాత్ర లక్ష్యాలు, ఎస్టీ సమాజ అభివృద్ధి కోసం చేపట్టనున్న కార్యక్రమాలను ప్రతినిధులు ముఖ్యమంత్రికి వివరించారు. గిరిజన వర్గాల సాధికారత, సంక్షేమానికి ఈ యాత్ర ఉపయోగపడుతుందని తెలిపారు.
ఈ భేటీలో లోక్సభ సభ్యుడు బలరామ్ నాయక్, ప్రభుత్వ విప్ రామచంద్ర నాయక్, ఎమ్మెల్సీ శంకర్ నాయక్, ఎమ్మెల్యే బాలు నాయక్, మాజీ ఎంపీ రవీంద్ర నాయక్తో పాటు పలువురు ప్రతినిధులు పాల్గొన్నారు. మంత్రి ఉత్తమ్ కుమార్ రెడ్డి కూడా సమావేశంలో హాజరయ్యారు.
