ఏపీ డిప్యూటీ సీఎం, పవర్ స్టార్ పవన్ కళ్యాణ్ పుట్టిన రోజు సందర్భంగా దేశవ్యాప్తంగా పలువురు సినీ, రాజకీయ రంగ ప్రముఖులు ఆయనకు శుభాకాంక్షలు చెబుతున్నారు. ఈ సందర్భంగా ఆయన సోదరుడు మెగాస్టార్ చిరంజీవి పవన్కు ప్రత్యేక శుభాకాంక్షలు తెలిపారు. అంతేకాదు, పవన్ కళ్యాణ్, చిరంజీవికి సంబంధించిన ఓ అరుదైన ఫోటో కూడా ‘ఎక్స్’లో పోస్ట్ చేశారు.
‘కల్యాణ్ బాబు.. ప్రతీ సంవత్సరం నీకు పుట్టినరోజు వస్తుంటుంది. కానీ, ఈ పుట్టినరోజు మరీ ప్రత్యేకం. రాజకీయాల్లో నీతి, నిజాయితీ, నిలకడ, నిబద్ధత కలిగిన ఒక నాయకుడిగా నిన్ను ఆంధ్ర ప్రజలు వాళ్ల జీవితాల్లోకి ఆహ్వానించారు. గుండెల్లో స్థానం ఇచ్చారు. అది సుస్థిరం. ఈ రోజుల్లో నీలాంటి నాయకుడు కావాలి, రావాలి. అద్భుతాలు జరగాలి. అది నువ్వు మాత్రమే చేయగలవు, చేస్తావనే నమ్మకం నాతో పాటు ఆంధ్ర ప్రజలందరికీ ఉంది. పుట్టిన రోజు శుభాకాంక్షలు. దీర్ఘాయుష్మాన్ భవ!’ అని రాసుకొచ్చారు.
