ప్రతిపక్షం, సెప్టెంబర్ 02: పవర్ స్టార్ పవన్ కళ్యాణ్ పుట్టినరోజు సందర్భంగా ఆయన అభిమానులకు దర్శకుడు సుజీత్ అదిరిపోయే సర్ప్రైజ్ ఇచ్చారు. పవన్ కళ్యాణ్ నటిస్తున్న ప్రతిష్ఠాత్మక చిత్రం ‘ఓజీ’ నుంచి కీలక అప్డేట్ రాబోతున్నట్లు ప్రకటించారు. ఈ విషయాన్ని సోషల్ మీడియా వేదికగా వెల్లడిస్తూ పవన్కు ప్రత్యేకంగా పుట్టినరోజు శుభాకాంక్షలు తెలిపారు.
పవన్ కళ్యాణ్ సినిమాలను అభిమానిగా చూస్తూ పెరిగిన తనకు.. అదే హీరోను ఇప్పుడు దర్శకుడిగా డైరెక్ట్ చేసే అవకాశం రావడం ఇప్పటికీ నమ్మశక్యంగా అనిపించడం లేదని సుజీత్ భావోద్వేగానికి గురయ్యారు. తన సినీ ప్రయాణంలో పవన్ కళ్యాణ్ తొలి హీరోగా ప్రత్యేక స్థానాన్ని సంపాదించుకున్నారని పేర్కొన్నారు. ఇప్పుడు అదే హీరో తన ‘ఓజీ’గా మారడం ఎంతో ప్రత్యేకమైన విషయమని తెలిపారు.
పవన్ కళ్యాణ్ పుట్టినరోజును పురస్కరించుకుని అభిమానులకు మరింత ఉత్సాహాన్ని అందించేలా ‘ఓజీ యూనివర్స్’ నుంచి ప్రత్యేక ట్రీట్ సిద్ధంగా ఉందని సుజీత్ వెల్లడించారు. సాయంత్రం 4.05 గంటలకు ఈ ప్రత్యేక అప్డేట్ విడుదల కానుందని ప్రకటించారు. దీంతో పవన్ అభిమానుల్లో ఆసక్తి మరింత పెరిగింది.
ఇప్పటికే ‘ఓజీ’పై భారీ అంచనాలు నెలకొన్నాయి. పవన్ కళ్యాణ్ను సుజీత్ ఏ తరహా పాత్రలో చూపించబోతున్నారనే విషయంపై అభిమానుల్లో ఆసక్తి నెలకొంది. సినిమాకు సంబంధించిన ప్రతి చిన్న అప్డేట్ కూడా సోషల్ మీడియాలో వైరల్గా మారుతున్న నేపథ్యంలో, పుట్టినరోజు సందర్భంగా 4.05 గంటలకు రాబోయే ట్రీట్ ఎలా ఉండబోతుందా అని అభిమానులు ఆసక్తిగా ఎదురుచూస్తున్నారు.
పవన్ కళ్యాణ్తో సినిమా చేయాలన్న తన కల నెరవేరడాన్ని సుజీత్ ప్రత్యేకంగా భావిస్తున్న నేపథ్యంలో.. ఈ పుట్టినరోజు అప్డేట్ ‘ఓజీ’పై అంచనాలను మరింత పెంచుతోంది.
