ప్రతిపక్షం, ఆగస్టు 21: మాస్ మహారాజా రవితేజ నటించిన ‘ఇరుముడి’ ప్రేక్షకుల ముందుకు వచ్చింది. స్కూల్ విద్యార్థినుల వరుస హత్యల వెనుక ఉన్న మిస్టరీని కథానాయకుడు ఎలా ఛేదించాడు? అసలు ఈ హత్యలకు కారణమేంటి? అనే ఆసక్తికర అంశాలతో సినిమా సాగుతుంది. క్రైమ్, మిస్టరీతో పాటు తండ్రీకూతుళ్ల అనుబంధాన్ని కూడా కథలో మిళితం చేశారు.
రవితేజ తన పాత్రలో ఇంటెన్సివ్ నటనతో ఆకట్టుకున్నారు. ముఖ్యంగా భావోద్వేగ సన్నివేశాల్లో ఆయన నటన సినిమాకు బలంగా నిలిచింది. కథలో కీలకమైన తండ్రీకూతుళ్ల ఎమోషన్ ప్రేక్షకులను ఆకట్టుకునేలా ఉంది. బేబీ నక్షత్ర తన పాత్రకు న్యాయం చేసింది. ఆమె నటన సినిమాకు మరో ప్రధాన ఆకర్షణగా నిలిచింది.
అయ్యప్ప మాల, భక్తికి సంబంధించిన సన్నివేశాలను కథతో అనుసంధానించిన తీరు ఆసక్తికరంగా ఉంది. పాటలు కూడా సినిమాకు ప్లస్గా నిలిచాయి. ముఖ్యంగా ద్వితీయార్ధంలో వచ్చే ట్విస్టులు కథపై ఆసక్తిని పెంచుతాయి. అసలు హత్యల వెనుక ఉన్న మిస్టరీ ఏమిటన్న విషయాన్ని తెలుసుకోవాలనే ఉత్కంఠను కొంతవరకు కొనసాగించడంలో దర్శకుడు సక్సెస్ అయ్యారు.
అయితే సినిమా ప్రారంభం మాత్రం కాస్త నెమ్మదిగా సాగుతుంది. కథ ప్రధాన అంశంలోకి వెళ్లేందుకు కొంత సమయం తీసుకోవడంతో ప్రథమార్ధం వేగం తగ్గినట్లు అనిపిస్తుంది. కొన్ని సన్నివేశాల్లో లాజిక్ మిస్ అయినట్లు కనిపించడం, స్క్రీన్ప్లేలో అక్కడక్కడా లోపాలు ఉండటం సినిమాకు మైనస్గా మారాయి. కొన్ని చోట్ల నేపథ్య సంగీతం కూడా సన్నివేశాలకు తగ్గ స్థాయిలో అనిపించదు.
మొత్తంగా రవితేజ నటన, బేబీ నక్షత్ర పెర్ఫార్మెన్స్, తండ్రీకూతుళ్ల భావోద్వేగం, ద్వితీయార్ధంలోని ట్విస్టులు సినిమాకు బలంగా నిలిచాయి. అయితే నెమ్మదైన ప్రథమార్ధం, లాజిక్ లేని కొన్ని సన్నివేశాలు, స్క్రీన్ప్లే లోపాలు కొంత నిరాశపరుస్తాయి. మిస్టరీ, క్రైమ్ కథలను ఇష్టపడే వారికి సినిమా ఒకసారి చూసే అనుభూతిని అందిస్తుంది.
రేటింగ్: ⭐ 2.75/5
