ప్రతిపక్షం, జూలై 16: దర్శకధీరుడు ఎస్ఎస్ రాజమౌళి తదుపరి చిత్రానికి సంబంధించిన ఓ ఆసక్తికరమైన వార్త ప్రస్తుతం సినీ వర్గాల్లో చక్కర్లు కొడుతోంది. తమిళ స్టార్ హీరో సూర్యతో రాజమౌళి సినిమా చేయనున్నట్లు ఇండస్ట్రీ వర్గాల్లో ప్రచారం జరుగుతోంది. ఈ ప్రాజెక్టుకు సంబంధించి ఇప్పటివరకు అధికారిక ప్రకటన వెలువడకపోయినా.. సినిమా దాదాపు ఖరారైనట్లు టాక్ వినిపిస్తోంది.
ప్రస్తుతం మహేశ్ బాబు హీరోగా తెరకెక్కుతున్న ‘వారణాసి’ చిత్రంతో రాజమౌళి బిజీగా ఉన్నారు. ఈ సినిమా పూర్తయిన తర్వాత సూర్యతో చేయబోయే ప్రాజెక్టుపై మరింత స్పష్టత వచ్చే అవకాశం ఉందని సినీ వర్గాలు చెబుతున్నాయి. రాజమౌళి దర్శకత్వంలో నటించాలని చాలాకాలంగా ఎదురుచూస్తున్న సూర్య అభిమానులకు ఈ వార్త ఆసక్తిని కలిగిస్తోంది.
ఇదిలా ఉండగా.. రామ్చరణ్ హీరోగా తెరకెక్కిన ‘మగధీర’ సినిమా కోసం మొదట రాజమౌళి సూర్యను సంప్రదించారనే ప్రచారం గతంలో జరిగింది. అయితే ఆ ప్రాజెక్టులో చివరకు రామ్చరణ్ నటించారు. ఇప్పుడు నిజంగానే రాజమౌళి–సూర్య కాంబినేషన్లో సినిమా తెరకెక్కితే.. ఎన్నో ఏళ్లుగా కొనసాగుతున్న ఈ ఆసక్తికరమైన చర్చకు తెరపడే అవకాశం ఉంది.
ప్రస్తుతం ఈ వార్త కేవలం ఇండస్ట్రీ వర్గాల ప్రచారానికే పరిమితమై ఉండగా.. అధికారిక ప్రకటన వచ్చిన తర్వాతే ఈ క్రేజీ కాంబినేషన్పై పూర్తి స్పష్టత రానుంది.
