ప్రతిపక్షం, జూన్ 03: నటుడు రామ్ చరణ్ ప్రధాన పాత్రలో తెరకెక్కిన ‘పెద్ది’ చిత్రం విడుదల సందర్భంగా అభిమానులు ప్రత్యేక వేడుకలు నిర్వహిస్తున్నారు. కూకట్పల్లిలోని ఓ సినిమా ప్రదర్శనశాల వద్ద చిత్రంలోని పాత్ర రూపంలో విగ్రహాన్ని ఏర్పాటు చేసి అభిమానాన్ని చాటుకున్నారు.
విగ్రహానికి పాలాభిషేకాలు, హారతులు నిర్వహిస్తూ పండుగ వాతావరణాన్ని సృష్టించారు. ఈ సందర్భంగా ఏర్పాటు చేసిన ప్రత్యేక అలంకరణలు, వేడుకలకు సంబంధించిన చిత్రాలు సామాజిక మాధ్యమాల్లో విస్తృతంగా వైరల్ అవుతున్నాయి.
చిత్ర విడుదలను పురస్కరించుకుని అభిమానులు భారీ సంఖ్యలో థియేటర్లకు చేరుకుంటుండగా, ప్రదర్శనశాలల వద్ద సందడి నెలకొంది. గతంలో కూడా ప్రముఖ నటుల చిత్రాల విడుదల సమయంలో ఇలాంటి ప్రత్యేక ఏర్పాట్లు జరిగాయని నిర్వాహకులు తెలిపారు.
