ప్రతిపక్షం, ఆగస్టు 19: హైదరాబాద్లోని సనత్నగర్ టిమ్స్ ఆసుపత్రిలో ఉద్యోగాల భర్తీకి అవకాశం లభించింది. ఆరోగ్య మిత్ర పోస్టులను భర్తీ చేయనున్నట్లు రాజీవ్ ఆరోగ్యశ్రీ జిల్లా కోఆర్డినేటర్ సాయినారాయణగౌడ్ తెలిపారు. అర్హత కలిగిన అభ్యర్థుల నుంచి దరఖాస్తులు స్వీకరిస్తున్నట్లు వెల్లడించారు.
ఆసక్తి ఉన్న అభ్యర్థులు తమ ఒరిజినల్ విద్యార్హత, ఇతర అవసరమైన ధ్రువపత్రాలతో ఈ నెల 21న హరిహర కళాభవన్లోని డీఎంహెచ్వో కార్యాలయంలో నిర్వహించే ఇంటర్వ్యూలకు హాజరు కావాలని అధికారులు సూచించారు. అభ్యర్థుల అర్హత, ప్రతిభ ఆధారంగా ఎంపిక ప్రక్రియ కొనసాగనుంది.
ఇంటర్వ్యూల అనంతరం ఎంపికైన అభ్యర్థులతో తుది జాబితాను ఈ నెల 29న విడుదల చేయనున్నట్లు అధికారులు తెలిపారు. ఎంపికైన వారికి నెలకు రూ.19,500 వేతనం అందించనున్నట్లు పేర్కొన్నారు.
సనత్నగర్ టిమ్స్లో ఉద్యోగ అవకాశం కోసం ఎదురుచూస్తున్న అర్హులైన అభ్యర్థులు ఈ అవకాశాన్ని సద్వినియోగం చేసుకోవాలని అధికారులు సూచించారు. ఇంటర్వ్యూకు హాజరయ్యే అభ్యర్థులు తప్పనిసరిగా ఒరిజినల్ ధ్రువపత్రాలను వెంట తీసుకురావాలని స్పష్టం చేశారు.
