TGPSC GROUP 3 EDIT OPTION: నిరుద్యోగులకు తెలంగాణ సర్కార్ శుభవార్త చెప్పింది. గ్రూప్ – 3 పరీక్ష రాసే అభ్యర్థులకు టీజీపీఎస్సీ కీలక ప్రకటన చేసింది. గ్రూప్ – 3 పరీక్షకు సంబంధించి దరఖాస్తుల సవరణకు టీజీపీఎస్సీ మరో అవకాశం కల్పించింది.
సెప్టెంబర్ 2 నుంచి 6 వరకు దరఖాస్తుల్లో సవరణకు చేసుకోవచ్చని పేర్కొంది. పరీక్ష కోసం దరఖాస్తు చేసుకున్న అభ్యర్థులు..దరఖాస్తుల్లో ఏమైనా తప్పులు, సవరణలు ఉంటే సరిచేసుకోవాలని సూచించింది. ఇదే చివరి ఎడిట్ ఆప్షన్ అని కూడా పేర్కొంది.
ఇదిలా ఉండగా, తెలంగాణలో 1,388 గ్రూప్ 3 పోస్టుల భర్తీ కోసం టీజీపీఎస్సీ నోటిఫికేషన్ విడుదల చేసింది. మొత్తం 5,36,477 మంది అభ్యర్థులు దరఖాస్తు చేసుకున్నారు. ఈ పరీక్షను నవంబర్ 17, 18 తేదీల్లో నిర్వహించనున్నట్లు టీజీపీఎస్సీ ప్రకటించిన సంగతి తెలిసిందే.
