ప్రతిపక్షం, జూన్ 30: మాజీ ముఖ్యమంత్రి కేసీఆర్ హయాంలో రాష్ట్రంపై భారీ అప్పుల భారం పడిందని ఉప ముఖ్యమంత్రి భట్టి విక్రమార్క విమర్శించారు. శిల్పకళావేదికలో జరిగిన కార్యక్రమంలో మాట్లాడుతూ, పదేళ్లలో సుమారు రూ.8 లక్షల కోట్ల అప్పు చేశారని ఆరోపించారు.
ఆ అప్పులకు అసలు, వడ్డీ కలిపి గత రెండున్నరేళ్లలోనే రూ.2.08 లక్షల కోట్లు చెల్లించాల్సి వచ్చిందని తెలిపారు. ఆ అప్పులు లేకపోయి ఉంటే ఆ నిధులను రైతుల సంక్షేమం, అభివృద్ధి కార్యక్రమాలకు వినియోగించే అవకాశం ఉండేదని పేర్కొన్నారు.
పదేళ్ల పాలనలో రాష్ట్రాన్ని అప్పుల ఊబిలోకి నెట్టారని ఆరోపించిన భట్టి, ఇప్పుడు కేటీఆర్, హరీశ్రావు వాస్తవాలకు విరుద్ధంగా వ్యాఖ్యలు చేస్తున్నారని విమర్శించారు.
