ప్రతిపక్షం, జూలై 03: తెలంగాణ రాష్ట్ర సచివాలయంలో భద్రతను మరింత కట్టుదిట్టం చేసేందుకు ప్రభుత్వం కొత్త ప్రవేశ విధానాన్ని అమల్లోకి తీసుకువచ్చింది. ఇకపై సచివాలయంలోకి ప్రవేశించాలంటే తప్పనిసరిగా QR కోడ్ ఆధారిత అనుమతి ఉండాల్సి ఉంటుంది.
సందర్శకులకు సంబంధిత మంత్రి లేదా అధికారి అనుమతి ఇచ్చిన వెంటనే వారి మొబైల్ ఫోన్కు ప్రత్యేక QR కోడ్ పంపబడుతుంది. సచివాలయం గేటు వద్ద ఆ కోడ్ను స్కాన్ చేసిన తర్వాతే లోపలికి అనుమతి లభిస్తుంది.
అలాగే సందర్శకులు సచివాలయంలో గరిష్ఠంగా గంటపాటు మాత్రమే ఉండేలా వ్యవస్థను రూపొందించారు. నిర్ణీత సమయం దాటితే సంబంధిత సిబ్బందికి ఆటోమేటిక్గా అలర్ట్ వెళ్లనుంది. సందర్శకుడు ఏ విభాగాన్ని సందర్శించారు, ఎంతసేపు అక్కడ ఉన్నారు వంటి వివరాలన్నీ డిజిటల్గా నమోదు కానున్నాయి.
అనుమతి లేని వ్యక్తులు సచివాలయంలోకి ప్రవేశించకుండా నిరోధించడం, భద్రతను మరింత బలోపేతం చేయడమే ఈ కొత్త విధానం ప్రధాన ఉద్దేశమని అధికారులు తెలిపారు.
