ప్రతిపక్షం, జూలై 15: దివ్యాంగులపై అనుచిత వ్యాఖ్యలు చేసిన వ్యవహారంలో కమెడియన్ సమయ్ రైనా, యూట్యూబర్లు రణ్వీర్, ఆశిష్లకు సుప్రీంకోర్టు ఒక్కొక్కరికి రూ.3 లక్షల చొప్పున జరిమానా విధించింది.
ఓ కార్యక్రమంలో ‘స్పైనల్ మస్కులర్ అట్రోఫీ’తో బాధపడుతున్న వ్యక్తిపై అవమానకర వ్యాఖ్యలు చేసినందుకు గతంలో బహిరంగ క్షమాపణ చెప్పడంతో పాటు ఆ కార్యక్రమం ద్వారా వచ్చిన ఆదాయాన్ని బాధితుల సంక్షేమానికి అందించాలని కోర్టు ఆదేశించింది. అయితే ఆ ఆదేశాలను అమలు చేయకపోవడంతో కోర్టు జరిమానా విధించింది.
ఈ సందర్భంగా దివ్యాంగుల గౌరవాన్ని కాపాడేందుకు కఠిన చట్టాల అవసరాన్ని సుప్రీంకోర్టు ప్రస్తావించింది. షెడ్యూల్డ్ కులాలు, షెడ్యూల్డ్ తెగల రక్షణ చట్టం తరహాలో దివ్యాంగుల హక్కులను పరిరక్షించే ప్రత్యేక చట్టాన్ని తీసుకురావాలని కేంద్ర ప్రభుత్వానికి సూచించింది.
