ప్రతిపక్షం, జూన్ 04: బీఆర్ఎస్ వర్కింగ్ ప్రెసిడెంట్ కేటీఆర్ రాష్ట్ర ప్రభుత్వంపై తీవ్ర విమర్శలు గుప్పించారు. ప్రభుత్వాన్ని ప్రశ్నించిన వారిపై కేసులు నమోదు చేయడం ప్రజాస్వామ్యానికి విరుద్ధమని అన్నారు.
గతంలో వివిధ రాజకీయ నాయకులు చేసిన వ్యాఖ్యలను ప్రస్తావించిన కేటీఆర్, అలాంటి సందర్భాల్లో కేసులు నమోదు చేయని ప్రభుత్వం ఇప్పుడు ప్రతిపక్ష నేతలపై చర్యలు తీసుకోవడం ఎందుకని ప్రశ్నించారు. చట్టం అందరికీ సమానంగా వర్తించాలన్నారు.
అదే సమయంలో సింగరేణిలో భారీ బొగ్గు కుంభకోణం జరిగిందని ఆరోపిస్తూ, దాదాపు రూ.1,600 కోట్ల మేర అవకతవకలు జరిగినట్లు పేర్కొన్నారు. ఈ అంశంపై సమగ్ర విచారణ జరిపి వాస్తవాలను వెలుగులోకి తేవాలని డిమాండ్ చేశారు.
