ప్రతిపక్షం, జూన్ 11: భారత క్రికెట్ జట్టులో సీనియర్ ఆటగాళ్లు, ప్రధాన కోచ్ గౌతమ్ గంభీర్ మధ్య విభేదాలు ఉన్నాయన్న వార్తల నేపథ్యంలో మరో ఆసక్తికర అంశం వెలుగులోకి వచ్చింది. కొందరు సీనియర్ క్రికెటర్లు ప్రధాన కోచ్ గంభీర్, ప్రధాన ఎంపికల కమిటీ అధిపతి అజిత్ అగార్కర్ను పక్కనబెట్టి నేరుగా భారత క్రికెట్ నియంత్రణ మండలి ఉన్నతాధికారులతో సంప్రదింపులు జరుపుతున్నట్లు క్రీడా వర్గాల్లో ప్రచారం జరుగుతోంది.
ప్రత్యేకంగా 2027 వన్డే ప్రపంచకప్ను దృష్టిలో ఉంచుకుని తమ భవిష్యత్తు, జట్టులో పాత్రపై స్పష్టత ఇవ్వాలని వారు కోరినట్లు సమాచారం. రాబోయే రోజుల్లో తమకు ఎలాంటి బాధ్యతలు అప్పగించనున్నారో ముందుగానే తెలియజేయాలని బోర్డు పెద్దలను అడిగినట్లు తెలుస్తోంది.
అయితే ఈ వార్తలపై ఇప్పటివరకు భారత క్రికెట్ నియంత్రణ మండలి, గౌతమ్ గంభీర్ లేదా సంబంధిత ఆటగాళ్ల నుంచి అధికారిక స్పందన వెలువడలేదు. దీంతో జట్టులో అంతర్గత పరిస్థితులపై చర్చ కొనసాగుతోంది.
