BSF bus falls into a gorge, 3 soldiers martyred: జమ్మూకశ్మీర్‌లో సైనికులతో ప్రయాణిస్తున్న ఓ బస్సు లోయలో పడింది. ఈ ఘటనలో ముగ్గురు జవాన్లు మృతి చెందారు. బుద్గామ్ జిల్లాలో బోర్డర్ సెక్యూరిటీ ఫోర్స్ బలగాలు ప్రయాణిస్తున్న బ్రెల్ వాటర్‌హైల్ ప్రాంతానికి సమీపంలో అదుపుతప్పి 40 అడుగుల లోయలోకి పడిపోయింది. ఈ ప్రమాదంలో ముగ్గురు జవాన్లు చనిపోగా.. 32 మంది గాయపడ్డారు. ఇందులో ఆరుగురి పరిస్థితి విషమంగా ఉన్నట్లు సమాచారం.
భద్రతా విధుల్లో భాగంగా బీఎస్‌ఎఫ్‌కు చెందిన ఏడు బస్సుల కాన్వాయ్‌ బయలుదేరింది. ఈ క్రమంలో బ్రెల్ గ్రామం వద్ద ఓ బస్సు అదుపుతప్పి లోయలో పడిపోయింది. ఈ ఘటన జరిగిన వెంటనే స్థానికులు లోయలోకి దిగి సహాయ కార్యక్రమాలు చేపట్టారు. గాయపడిన వారిని స్థానిక ఆసుపత్రికి తరలించారు.
