ప్రతిపక్షం, వెబ్ డెస్క్: ప్రముఖ తమిళ సినీ నటుడు డానియెల్ బాలాజీ 48 ఏళ్ల వయసులోనే గుండెపోటుతో మృతి చెందారు. చెన్నైలో శుక్రవారం ఆయనకు ఛాతిలో నొప్పి రావడంతో ఆసుపత్రికి తరలించగా రాత్రి మృతి చెందారు. కమల్ హసన్ చిత్రం ‘మరుదునయగమ్’లో ప్రొడక్షన్ మేనేజర్‌గా డేనియల్ బాలాజీ తన కెరీర్ ప్రారంభించాడు. అయితే, ఆ చిత్ర నిర్మాణం మధ్యలోనే నిలిచిపోయింది. అనంతరం, రాధిక శరత్‌కుమార్ ‘ఛిత్తీ’ టీవీ సీరియల్‌లో డానియెల్ పాత్ర ఆయనకు మంచి పేరు తెచ్చిపెట్టింది. దీంతో, డానియెల్ బాలాజీగా ఆయన పాప్యులర్ అయ్యారు. డానియెల్ బాలాజీ పలు తెలుగు, మలయాళం, కన్నడ చిత్రాల్లో నటించారు.
