Bus hits van on Agra-Aligarh NH in Uttar Pradesh: ఉత్తరప్రదేశ్‌లో ఘోర రోడ్డు ప్రమాదం చోటుచేసుకుంది. బొలెరో, బస్సు ఢీకొట్టుకోవడంతో 12మంది మృతి చెందగా..16 మందికి గాయాలయ్యాయి. వివరాల ప్రకారం..ఆగ్రా అలీగఢ్ బైపాస్ సమీపంలో సాయంత్రం ముందు వెళ్తున్న బొలెరో వాహనాన్ని వెనుక నుంచి ఆగ్రా నుంచి డెహ్రాడూన్ వెళ్తున్న బస్సు ఢీకొట్టింది. దీంతో బొలెరో నుజ్జునుజ్జయింది. బొలెరో మొత్తం 20 మంది ప్రయాణికులు ఉన్నారు.
సమాచారం అందుకున్న పోలీసులు ఘటనాస్థలానికి చేరుకొని సహాయక చర్యలు చేపట్టారు. క్షతగాత్రులను అంబులెన్స్ లో ఆస్పత్రికి తరలించారు. ప్రస్తుతం నలుగురి పరిస్థితి విషమంగా ఉన్నట్లు వైద్యులు తెలిపారు. ఈ ప్రమాదంపై యూపీ సీఎం యోగి ఆదిత్యనాథ్ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సానుభూతిని ప్రకటించారు. క్షతగాత్రులకు మెరుగైన వైద్యం అందించాలని వైద్యులకు సూచించారు.
