ప్రతిపక్షం, ప్రతినిధి నిజామాబాద్, జూన్ 08 : రోటరీ క్లబ్ ఆఫ్ నిజామాబాద్ 72 వసంత వేడుకలు శనివారం ఘనంగా జరిగాయి. నిజామాబాద్ జిల్లా కేంద్రం బర్కత్పుర రోటరీ నిజామాబాద్ కార్యాలయంలో రోటరీ క్లబ్ ఆఫ్ నిజామాబాద్ ఆవిర్భవించి నేటికీ 72వ ఏటా అడిగిడుతున్న సందర్భంగా సభ్యులు కేక్ కట్ చేసి సంబరాలు చేసుకున్నారు. ఈ సందర్భంగా కానుగంటి వంశీ కిరణ్ తన తండ్రి కానుగంటి వేణుగోపాల్ ఫౌండేషన్ సహకారంతో రూ. 50 వేల విలువ గల శీతల శవ పేటికను క్లబ్‌కు అందజేశారు.
గత రెండు దశాబ్దాలకు పైగా జిల్లాలో మొట్ట మొదటిసారిగా శీతల సభ పేటికను ప్రజలకు ఉచితంగా ఇస్తున్నట్లు క్లబ్ అధ్యక్షుడు రామకృష్ణ తెలిపారు. ఈ కార్యక్రమంలో రోటరీ ట్రస్టు చైర్మన్ వేద ప్రకాష్ మిట్టల్, రోటరీ జిల్లా 3150 అసిస్టెంట్ గవర్నర్ వి. శ్రీనివాసరావు, ఇందూరి శ్రీనివాస్, భరత్ పటేల్, రాజ్ కుమార్ సుబేదార్, దర్శన్ సింగ్ సోకి, జగదీశ్వరరావు, కట్కం శ్రీనివాస్, జ్ఞాన ప్రకాష్, చిలక ప్రకాష్ , శ్రీరామ్ సోనీ, విజయరావ్, పార్సిరాజేశ్వర్, ధన్ పాల్ శ్రీనివాస్, జుగల్ జాజు, శ్యామ్ ఆగర్వాల్, గోపాల్ సోని, వైవి రాం మోహన్ రావు, సుధీర్ గుప్తా, ఆకుల అశోక్, రాధా కిషన్ తదితరులు పాల్గొన్నారు.
