ప్రతిపక్షం, హుస్నాబాద్, మే 29: సిద్దిపేట జిల్లా హుస్నాబాద్ ఆర్టీసీ డిపోలో బుధవారం రోజున డిపో మేనేజర్ డీసీ హెచ్ వెంకటేశ్వర్లు ఆధ్వర్యంలో ఆదర్శ ఉద్యోగుల అభినందన సభ నిర్వహించారు. ఈ సందర్బంగా మార్చి, ఏప్రిల్- 2024 మాసానికి సంబంధించి కండక్టర్స్ బెస్ట్ ఈపికే డీజిల్ ఆదా చేసిన డ్రైవర్లను, ఉత్తమ ప్రతిభ కనబరిచిన ఆదర్శ ఉద్యోగులను అభినందించి ప్రశంస పత్రంతొ పాటు ప్రగతి చక్ర అవార్డు అందజేశారు. అనంతరం మాట్లాడుతూ.. ప్రయాణికులకు మెరుగైన సేవలు అందిస్తూ మంచి గుర్తింపు పొందాలని ఉద్యోగులకు సూచించారు. సాధ్యమైనంత మేరకు ఆర్టీసీ సేవలను ప్రయాణికులకు అందుబాటులో ఉంచుతూనే అన్ని ప్రాంతాలకు సమయానుకూలంగా బస్సులు నడిపించేలా ఎప్పటికప్పుడు పర్యవేక్షణ చేస్తున్నామని అన్నారు. ఈ కార్యక్రమంలో డిపో మేనేజర్ డి. సిహెచ్. వెంకటేశ్వర్లు, హుస్నాబాద్ డిపో ఆర్టీసీ ఉద్యోగులు మరియు సిబ్బంది పాల్గొన్నారు.
