Arekapudi Gandhi Arrest: శేరిలింగంపల్లి ఎమ్మెల్యే అరెకపూడి గాంధీని పోలీసులు అరెస్టు చేశారు. అరెకపూడి గాంధీ తన అనుచరులతో కలిసి కొండాపూర్‌లోని కౌశిక్ రెడ్డి ఇంటికి వెళ్లారు. ఈ నేపథ్యంలో కౌశిక్ రెడ్డి ఇంటి వద్ద పరిస్థితిని అదుపులోకి తీసుకొచ్చేందుకు తీవ్ర ఉద్రిక్తతల మధ్య గాంధీ, ఆయన అనుచరులను పోలీసులు అదుపులోకి తీసుకున్నారు.
అంతకుముందు ఎమ్మెల్యేలు అరెకపూడి గాంధీ, కౌశిక్ రెడ్డి మధ్య సవాళ్లు, ప్రతిసవాళ్లతో రాజకీయం హీట్ ఎక్కింది. ఈ తరుణంలో కౌశిక్ రెడ్డి సవాల్ నేపథ్యంలో కొండాపూర్‌లోని ఆయన ఇంటికి అనుచరులతో కలిసి గాంధీ వెళ్లారు. ఆయన అనుచరులు కౌశిక్ రెడ్డి ఇంటి గేటు ఎక్కి లోపలికి వెళ్లేందుకు యత్నించారు. ఈ సమయంలో కొంతమంది రాళ్లు, టమాటాలు, కోడిగుడ్లు విసరడంతో పరిస్థితి అదుపు తప్పింది.
