ప్రతిపక్షం, వెబ్ డెస్క్: ఇండియన్‌ ప్రీమియర్ లీగ్‌ 2024 సరికొత్తగా సిద్ధమైంది. నేటి నుంచి ఈ టోర్నీకి తెరలేవనుంది. చెన్నైలోని ఎంఏ చిదంబరం స్టేడియంలో రాత్రి 8 గంటలకు జరిగే తొలి మ్యాచ్‌లో చెన్నై సూపర్‌ కింగ్స్‌- రాయల్‌ ఛాలెంజర్స్‌ బెంగళూరు జట్లు తలపడనున్నాయి. అయితే మ్యాచ్‌ ప్రారంభానికి ముందే సాయంత్రం 6.30 గంటలకు ఆరంభ వేడుకలు ప్రారంభం కానున్నాయి. ఈ ఈవెంట్‌లో బాలీవుడ్‌ నటులు అక్షయ్‌ కుమార్‌, టైగర్‌ ష్రాఫ్‌, ఎఆర్‌ రెహ్మాన్‌, సోనూ నిగమ్‌ పెర్ఫార్మ్‌ చేయబోతున్నారు. తొలి మ్యాచ్‌ ఇవాళ చెన్నైలోని చెపాక్‌ స్టేడియం వేదికగా సీఎస్కే వర్సెస్ ఆర్సీబీ టీమ్స్ మధ్య జరుగనుంది. అయితే, ఈ మ్యాచ్‌ నేటి రాత్రి 7:30 గంటలకు ప్రారంభంకానుంది.
సీఎస్కే, ఆర్సీబీ మ్యాచ్‌కు వేదిక అయిన చెన్నైలో వాతావరణం ఆటకు అనుకూలంగా ఉంటుందని వాతావరణ శాఖ తెలిపింది. మ్యాచ్‌కు ఎలాంటి అవాంతరాలు సంభవించవు అని చెప్పింది. చెన్నైలోని కొన్ని ప్రాంతాల్లో గురువారం నాడు రాత్రి తేలికపాటి వర్షం పడినప్పటికీ.. ఇవాళ మ్యాచ్‌ జరిగే సమయంలో (7- గంటల మధ్యలో) వాతావరణం పొడిగా ఉంటుందని వాతావరణ శాఖ పేర్కొనింది. అయితే, చెపాక్‌ పిచ్‌ బ్యాటింగ్‌, బౌలింగ్‌ రెండిటికీ అనుకూలిస్తుంది.. అలాగే, మొదట బ్యాటర్లకు స్వర్గధామంగా కనిపించే ఈ పిచ్‌ క్రమంగా స్నిన్‌కు అనుకూలింది. ఈ పిచ్‌పై టార్గెట్ ఛేదించడం కాస్త కష్టంగానే ఉంటుంది. ఫస్ట్ బ్యాటింగ్‌ చేసే టీమ్ కే విజయావకాశాలు ఉంటాయి.
అలాగే, ఐదు సార్లు ఛాంపియన్‌ అయిన చెన్నైకు రాయల్‌ ఛాలెంజర్స్‌ బెంగళూరుపై మంచి రికార్డు ఉంది. ఈ ఇరు జట్లు ఐపీఎల్‌లో 31 సార్లు పోటీ పడగా.. సీఎస్కే 20, ఆర్సీబీ 10 సార్లు విజయం సాధించగా.. ఓ మ్యాచ్‌లో టై అయింది. ఆర్సీబీపై సీఎస్కే పూర్తి ఆధిపత్యం కలిగి ఉంది.. ఇక్కడ ఇరు జట్లు 8 మ్యాచ్‌ల్లో తలపడగా.. ఇందులో ఏకంగా సీఎస్కే ఏడు మ్యాచ్‌ల్లో విజయం సాధించింది. కేవలం ఒక్క మ్యాచ్‌లోనే ఆర్సీబీ గెలిచింది. చూడాలి మరి ఈరోజు విజయం ఎవరిని వరిస్తుందో..!
