Veteran CPM leader Sitaram Yechury passes away: కమ్యూనిస్టు యోధుడు, సీపీఎం జాతీయ ప్రధాన కార్యదర్శి సీతారాం ఏచూరి(72) కన్నుమూశారు. ఇటీవల ఊపిరితిత్తుల సమస్యలతో బాధపడుతున్న ఆయనను ఆగస్టు 19న ఢిల్లీలోని ఎయిమ్స్ ఆస్పత్రికి తరలించారు. ఆరోగ్యం మరింత విషమించడంతో చికిత్స పొందుతూ మధ్యాహ్నం తుదిశ్వాస విడిచారు. దీంతో కమ్యూనిస్ట్ వర్గాల్లో తీవ్ర విషాం నెలకొంది.
1952 ఆగస్టు 12న చెన్నైలో జన్మించిన సీతారాం ఏచూరి.. హైదరాబాద్ లో విద్యాభ్యాసం చేశారు. తర్వాత ఢిల్లీలోని సెయింట్ స్టీఫెన్స్ కాలేజీలో బీఏ ఎకనామిక్స్ చదివారు. 1969 నాటి తెలంగాణ ఉద్యమంలో ఆయన ఢిల్లీ వేదికగా చురుగ్గా పాల్గొన్నారు. 1974లో ఎస్ఎఫ్ఐలో చేరారు. ఆ తర్వాత సీపీఐ (మార్క్సిస్ట్) పార్టీలో చేరారు. 1975 ఎమర్జెన్సీ సమయంలో ఆయన జేఎన్ యూ విద్యార్థిగా ఉన్నారు. ఆ సయయంలో ఆయనను కూడా అరెస్ట్ చేశారు.
