Terror threat to Mumbai: దేశ వాణిజ్య రాజధాని, ప్రధాన నగరమైన ముంబైకి ఉగ్రముప్పు పొంచి ఉన్నట్లు కేంద్ర నిఘా వర్గాల నుంచి సమాచారం అందింది. దీంతో కేంద్ర బలగాలు, మహారాష్ట్ర పోలీసులు అప్రమత్తమయ్యారు. ముంబైలో భద్రతను మరింత కట్టుదిట్టం చేశారు. ప్రార్థనా మందిరాలు, ఇతర రద్దీ ప్రాంతాల్లో ముమ్మరంగా సోదాలు నిర్వహిస్తున్నారు. ఈ నేపథ్యంలో మాక్‌ డ్రిల్స్‌ కూడా నిర్వహిస్తున్నారు. ప్రతి ఏటా ముంబైలో దుర్గాపూజ, దీపావళి పండగలను ఘనంగా నిర్వహిస్తారు. ఈ సమయంలో ఉగ్రముప్పు హెచ్చరికలు రావడంతో ప్రజలు అప్రమత్తంగా ఉండాలని అధికారులు కోరుతున్నారు.
