PM Narendra Modi to attend BRICS summit in Russia: భారత ప్రధాని నరేంద్ర మోదీ మరోసారి రష్యా పర్యటనకు వెళ్లనున్నారు. ఈ మేరకు ఆయన పర్యటన ఖరారైంది. రష్యా అధ్యక్షుడు వ్లాదిమిర్ పుతిన్ ఆహ్వానం మేరకు వచ్చేవారం రష్యా వెళ్తున్నారు. అక్టోబర్ 22, 23 తేదీలలో రష్యాలోని కజాన్‌లో మాస్కో అధ్యక్షతన జరగనున్న బ్రిక్స్ 16వ సమ్మిట్‌లో మోదీ పాల్గొననున్నారు. ఈ శిఖరాగ్ర సదస్సు హాజరుకావాలని స్వయంగా మోదీని రష్యా అధ్యక్షుడు ఆహ్వానించినట్లు భారత విదేశాంగ శాఖ తెలిపింది. రష్యా పర్యటనలో భాగంగా బ్రిక్స్ సభ్యదేశాల అధినేతలతో ప్రధాని మోదీ ద్వైపాక్షిక చర్చలు నిర్వహించనున్నట్లు పేర్కొంది. అయితే జులై 8, 9 తేదీలలో ప్రధాని మోదీ రష్యాలో పర్యటించిన సంగతి తెలిసిందే.
