America Gun Fire three killed: అమెరికాలో గన్ కల్చర్‌ రోజురోజుకూ పెచ్చుమీరుతోంది. తాజాగా, మరోసారి కాల్పుల కలకలం రేగింది. ఈ ఘటనలో ముగ్గురు మరణించగా.. దాదాపు పది మంది వరకూ గాయపడినట్లు పోలీసులు తెలిపారు. ఈ ఘటన అగ్రరాజ్యం అమెరికాలోని సెంట్రల్ మిసిసిపీలో చోటు చేసుకుంది. ఒక్కసారిగా ఇద్దరు దుండుగులు వందలాది మంది ఉన్న ప్రాంతంలో విచక్షణ రహితంగా కాల్పులు జరిపారు. అయితే ఫుట్ బాల్ విజయాన్ని నిర్వహిస్తుండగా.. ఘర్షణల వాతావరణం చోటుచేసుకున్నట్లు పోలీసులు అనుమానిస్తున్నారు. ఇందులో భాగంగానే కాల్పులు చోటు చేసుకున్నాయని పోలీసులు తెలిపారు. కాల్పులకు ఎవరు పాల్పడన వ్యక్తులు వివరాలు తెలియరాలేదు. పోలీసులు సంఘటనా స్థలంలో పరిశీలించి కేసు నమోదు చేసుకున్నారు. ఈ ఘటనలో గాయపడిన క్షతగాత్రులను స్థానిక ఆస్పత్రికి తరలించి చికిత్స అందిస్తున్నారు.
