ఎన్నికల ప్రచారంలో డీసీసీ అధ్యక్షులు శ్రీహరి రావు
ప్రతిపక్షం, జిల్లా ప్రతినిధి నిర్మల్, ఏప్రిల్ 29 : ఉమ్మడి అదిలాబాద్ పార్లమెంట్ ఎన్నికల్లో కాంగ్రెస్ పార్టీ అభ్యర్థి ఆత్రం సుగుణను భారీ మెజార్టీతో గెలిపించాలని డీసీసీ అధ్యక్షులు శ్రీహరి రావు అన్నారు. సారంగపూర్ మండలం లోని చించోలి (బి) ,సారంగపూర్, కౌట్ల (బి) స్వర్ణ గ్రామాలలో సోమవారం ఉదయం లోక్ సభ ఎన్నికల ప్రచారానికి కాంగ్రెస్ నేతలు శ్రీకారం చుట్టారు. ఇంటింటికి వెళ్లి కాంగ్రెస్ పార్టీ అమలు చేసే గ్యారంటీ పథకాలను వివరించారు. ఈ సందర్భంగా మాట్లాడుతూ.. సీఎం రేవంత్‌రెడ్డి రాష్ట్ర ప్రజలకు ఇచ్చిన హామీలను తూచా తప్పకుండా అమలు చేయడానికి సిద్ధంగా ఉన్నారని తెలిపారు.
ముఖ్యంగా ఆరు గ్యారంటీలు అమలు చేస్తారని అన్నారు. ఆగష్టు 15 లోపు రూ. 2 లక్షల రైతు రుణమాఫీ చేయడానికి కాంగ్రెస్ ప్రభుత్వం సిద్ధంగా ఉందని, ప్రతిపక్షాలు మాత్రం రాజకీయంగా లబ్ధి పొందడానికి తమ ప్రభుత్వంపై ఆరోపణలు చేయడం విడ్డూరంగా ఉందన్నారు. ఉమ్మడి పార్లమెంట్ ఎన్నికల్లో మొట్టమొదటిసారిగా ఆదివాసి గిరిజన మహిళలకు కాంగ్రెస్ పార్టీ అవకాశం ఇచ్చిందని వచ్చే నెల మే 13న జరిగే ఎన్నికల్లో హస్తం గుర్తుకు ఓటు వేసి గెలిపించాలని కోరారు.
ఈ కార్యక్రమంలో నిర్మల్ జడ్పీటీసీ ల ఫోరం అధ్యక్షులు సారంగపూర్ జడ్పీటీసీ పత్తిరెడ్డి రాజేశ్వర్ రెడ్డి, పార్టీ మండల అధ్యక్షులు బొల్లోజీ నర్సయ్య, మాజీ ఏఎంసీ చైర్మన్ రాజ్ మహమ్మద్, ఎంపీపీ ఆడే సవిత, వెంకట్రాంరెడ్డి, పోతరెడ్డి, శ్రీనివాస్ రెడ్డి, దశరథ్ రాజేశ్వర్, ఆది, బోజా రెడ్డి, మసీర్, మారుతి, సత్యపాల్ రెడ్డి తదితరులు పాల్గొన్నారు.
