TGPSC Group-1 Mains Exams From Today: రాష్ట్రంలో నేటి నుంచి గ్రూప్ 1 పరీక్షలు ప్రారంభం కానున్నాయి. ఈ మేరకు మెయిన్స్ పరీక్షలు నిర్వహణకు తెలంగాణ పబ్లిక్ సర్వీస్ కమిషన్ అన్ని ఏర్పాట్లు పూర్తి చేసింది. అలాగే అధికారులు పకడ్బందీగా ఏర్పాట్లు చేశారు. నేటి నుంచి 27వ తేదీ వరకు పరీక్షలు జరగనున్నాయి. ఈ పరీక్షలకు 31,383 మంది అభ్యర్థులు రాయనున్నారు. అయితే అభ్యర్థుల ఆందోళనల మధ్య మరి కాసేపట్లో గ్రూప్ 1 పరీక్ష ప్రారంభం కానుంది. అభ్యర్థులు పరీక్ష సమయానికి 30 నిమిషాల ముందే కేంద్రాలకు చేరుకోవాలని సూచించారు. నేడు మధ్యాహ్నం 2 గంటలకు ఇంగ్లిష్ క్వాలిఫై పరీక్ష ఉండనుంది. దీంతో మధ్యాహ్నం 12.30 గంటల నుంచి మధ్యాహ్నం 1.30 గంటల వరకు అనుమతి ఇవ్వనున్నారు.
