CM Revanth Reddy Inauguration of Datta Mantapam At Dundigal: ప్రపంచ పర్యాటక క్షేత్రంగా అవధూత దత్తపీఠం అభివృద్ధి చెందాలని సీఎం రేవంత్‌రెడ్డి అన్నారు. హైదరాబాద్‌ దుండిగల్‌లోని అవధూత దత్తపీఠంలో దత్తమండపం ప్రారంభోత్సవ కార్యక్రమం కనులపండువగా నిర్వహించారు. ఈ కార్యక్రమానికి సీఎం రేవంత్‌రెడ్డి ముఖ్యఅతిథిగా హాజరై మాట్లాడారు. గతంలో ఈ ప్రాంతం నుంచి ఎంపీగా గెలిచాన, ఇక్కడి నుంచే రాష్ట్రానికి సీఎం అయ్యే అవకాశం కలిగిందన్నారు. ఈ ఆశ్రమం పెద్ద ఎత్తున అభివృద్ధి చెందడంతోపాటు ప్రపంచ పర్యాటక క్షేత్రంగా మారాలని ఆకాంక్షిస్తున్నాన్నారు. మైసూర్‌లో నిర్వహించాల్సిన కార్యక్రమం దుండిగల్‌లో జరిపించడం స్వామివారు తీసుకొన్న గొప్ప నిర్ణయమన్నారు. ఈ కార్యక్రమంలో దత్త పీఠాధిపతి గణపతి సచ్చిదానంద స్వామీజీ, రాష్ట్ర ప్రభుత్వ సలహాదారు వేం నరేందర్‌రెడ్డి పాల్గొన్నారు.
