ప్రతిపక్షం, జిల్లా ప్రతినిధి నిర్మల్, మే 15 : నిర్మల్ జిల్లా ఖానాపూర్ మండలంలోని సింగపూర్ గ్రామానికి చెందిన గాజుల నాగలక్ష్మి జాతీయస్థాయి కిక్ బాక్సింగ్ పోటీలకు ఈనెల 21న మహారాష్ట్రలోని పూణేలో జాతీయస్థాయి పోటీలలో భాగస్వాములు కానున్న నాగలక్ష్మి కి తీవ్రమైన ఆర్థిక సమస్యలు ఉన్నాయి. ఆమె పూణేలో జరగనున్న జాతీయ స్థాయి పోటీలలో పాల్గొనందుకు తీవ్ర మానసిక శోభకు గురవుతుంది. ఈ విషయాన్ని గుర్తించిన గ్రామీణ సపోర్ట్ ఫౌండేషన్ నిర్వాహకుడు నరేష్ రూ.5 వేల నగదు సహాయాన్ని అందజేశారు. తన వ్యక్తిగత ప్రతిభ తో జాతీయ స్థాయి కిక్ బాక్సింగ్ పోటీలకు ఎంపికైన ఈ పేద బిడ్డకు మానవత వాదులు, స్వచ్ఛంద సంస్థల వారు ఇతరులు తగిన విధంగా సహాయ సహకారాలు అందించి ఉన్నత స్థాయి శిఖరాలకు ఆమె అధిరోహించేలా తోడునీడగా నిలుస్తారని ఆమె ప్రగాఢ విశ్వాసంతో ఉంది.
