ప్రతిపక్షం, సిద్దిపేట, జూన్ 05: మెదక్ పార్లమెంట్ బీజేపీ అభ్యర్థిగా పోటీ చేసిన రఘునందన్ రావు గెలుపొందడం పట్ల సిద్దిపేట అర్బన్ మండలం, తడకపల్లి గ్రామంలో బుధవారం అభిమానులు సంబరాలను జరుపుకున్నారు. ఈ సందర్భంగా గ్రామానికి చెందిన ముదిరాజ్ సంఘం అధ్యక్షులు వెంకట్ ఆధ్వర్యంలో ఉపవాస దీక్షతో కార్యకర్తలు స్థానిక దేవాలయంలో నూట ఒక కొబ్బరికాయలను కొట్టి మొక్కు చెల్లించుకున్నారు. సిద్దిపేట నియోజకవర్గంలో బిజెపికి అత్యధిక ఓట్లు రావడం పట్ల హర్షం వ్యక్తం చేశారు. భవిష్యత్తులో తెలంగాణలో బీజేపీ పార్టీ అధికారంలోకి వస్తుందని ఇక రాబోయే రోజులన్నీ బీజేపీ పార్టీకే ఉంటాయని ఈ సందర్భంగా దీమా వ్యక్తం చేశారు. పార్టీ అభివృద్ధికి భవిష్యత్ కార్యాచరణ ప్రణాళికను రూపొందిస్తామని అన్నారు. ఈ కార్యక్రమంలో దుబ్బాక వెంకటేష్ గౌడ్, సాంబశివారెడ్డి, సాయి, శ్రీనివాస్, వెంకటేష్, భాను ప్రసాద్, సాయి, ప్రవీణ్, గున్నల రవి తదితరులు పాల్గొన్నారు.
