*గట్టుప్పలలో రూ.1.43 కోట్ల భవనం నిరుపయోగం.
*వెలమకన్నె రోడ్డులో 2 ఏళ్ల క్రితం పూర్తయిన నిర్మాణం – ఇప్పటికీ తాళం.
*వైద్య సేవలకు ఇబ్బందులు – స్పందించాలని ప్రజల డిమాండ్ .
*రెండేళ్లు దాటినా ప్రారంభానికి నోచుకోని గట్టుప్పల పీహెచ్‌సీ!
ప్రతి పక్షం గట్టుప్పల్ అక్టోబర్ 27 : గట్టుప్పల మండల ప్రజలకు మెరుగైన వైద్య సేవలు అందించాలన్న ఉద్దేశ్యంతో కోట్ల రూపాయలు వెచ్చించి నిర్మించిన ప్రాథమిక ఆరోగ్య కేంద్రం నేటికి ప్రారంభానికి నోచుకోవడం లేదు. రెండేళ్ల క్రితం గట్టుప్పల మండల కేంద్రంలో వెలమకన్నె రోడ్డులో 1.43 కోట్లతో నిర్మించిన పిహెచ్ సి భవన నిర్మాణం పూర్తి స్థాయిలో పనులు పూర్తి కాకపోవడంతో ప్రారంభానికి నోచుకోవడం లేదు. ప్రజలకు వైద్యం అందించాల్సిన పిహెచ్ సి భవనం అలంకార ప్రాయంగా దర్శనమిస్తుంది. అధునాతన హంగులతో నిర్మించిన ప్రాథమిక ఆరోగ్య కేంద్రం నిరుపయోగంగా ఉండటంతో ప్రజలు వైద్య సేవలకు ఇబ్బందులు పడుతున్నారు. అధికారులు స్పందించి భవనాన్ని ప్రారంభించేలా చర్యలు తీసుకోవాలని స్థానికులు కోరుతున్నారు.
పూర్తికాని పనులతో అలంకారప్రాయంగా భవనం:
రెండేళ్ల క్రితం గట్టుప్పల మండల కేంద్రంలోని వెలమకన్నె రోడ్డులో రూ. 1.43 కోట్ల భారీ వ్యయంతో ఈ పిహెచ్ సి భవనాన్ని నిర్మించారు. అయితే, నిర్మాణ పనులు పూర్తి స్థాయిలో ముగియకపోవడంతో ఈ నూతన భవనం ప్రారంభోత్సవానికి భాగ్యం కలగలేదు. ప్రజలకు ప్రాణదానం చేయాల్సిన పీహెచ్‌సీ భవనం, నేడు కేవలం అలంకార ప్రాయంగా మాత్రమే దర్శనమిస్తోంది.
వైద్య సేవలకు ప్రజల ఇబ్బందులు:
అధునాతన హంగులతో నిర్మించిన ఈ ప్రాథమిక ఆరోగ్య కేంద్రం నిరుపయోగంగా మారడంతో, మండల పరిధిలోని పేద ప్రజలు వైద్య సేవల కోసం తీవ్ర ఇబ్బందులు పడుతున్నారు. చిన్న చిన్న ఆరోగ్య సమస్యలొచ్చినా దూర ప్రాంతాలకు వెళ్లాల్సి వస్తోందని స్థానికులు ఆవేదన వ్యక్తం చేస్తున్నారు.
*అధికారులు స్పందించాలి:
ఇప్పటికైనా సంబంధిత శాఖ అధికారులు, ప్రజాప్రతినిధులు తక్షణమే స్పందించి, పెండింగ్ పనులను పూర్తి చేయించి ఈ భవనాన్ని ప్రారంభించేలా చర్యలు తీసుకోవాలని గట్టుప్పల మండల ప్రజలు మరియు స్థానికులు గట్టిగా డిమాండ్ చేస్తున్నారు.
