ప్రతిపక్షం, వెబ్‌డెస్క్: రైతులు బాగుపడాలంటే రాహుల్ గాంధీ ప్రధాని కావాలని మణిపూర్ నుండి బాంబే వరకు రాహుల్ గాంధీ యాత్రలో పాల్గొన్న షిరిడి ప్రాంతానికి చెందిన రైతు సదాశివాలేఖర్ అన్నారు. ఈ నేపథ్యంలో ఏఐసీసీ కార్యాలయం లో సదాశివాలేఖర్ కాంగ్రెస్ నేత జగ్గారెడ్డి కి ఎదురు పడ్డారు. అనంతరం జగ్గారెడ్డి అతని పూర్వపరాలు సేకరించారు. సదశివాలేఖర్.. నాలుగున్నర ఎకరాల సాదాసీదా రైతు.. కాంగ్రెస్ కి వీరాభిమాని. రాహుల్ గాంధీ కోసం మణిపూర్ నుండి బాంబే వరకు రాహుల్ గాంధీ జోడో యాత్ర లో చెప్పులు లేకుండా పాల్గొన్నారు. ఇంత శ్రమ పడటం ఎందుకు అని జగ్గారెడ్డి అడగగా.. రాహుల్ గాంధీ ప్రధాని అయ్యే వరకు ఇలాగే ఆయన వెంట తిరగాలని నిర్ణయించుకున్నట్టు చెప్పారు. రాహుల్ గాంధీ ప్రధాని అయితే వ్యవసాయానికి మేలు జరుగుతుందని.. రైతులకు మంచి రోజులు వస్తాయని స్పష్టం చేశారు. రైతులకు ఇప్పటి వరకు మేలు చేసింది కాంగ్రెస్ పార్టీనేనేనని.. రాహుల్ గాంధీ ప్రధాని అయితే రైతులతో పాటు అన్నీ వర్గాలకు అండగా ఉంటారని జగ్గారెడ్డి కి ఆయన వివరించారు.
