Fire Accident in hyderabad: హైదరాబాద్‌లో భారీ అగ్నిప్రమాదం చోటుచేసుకుంది. పేట్ బషీరాబాద్‌లోని భాగ్యలక్ష్మి కాలనీలో ఓ చాకెట్ల తయారీ కంపెనీలో బుధవారం రాత్రి భారీ అగ్నిప్రమాదం సంభవించింది. చాక్లెట్ పౌడర్ ను వేడి చేస్తుండగా.. గ్యాస్ లీకేజీ అయింది. దీంతో ఒక్కసారిగా దట్టమైన పొగలు అలుముకున్నాయి. కాసేపటికే పెద్ద ఎత్తున మంటలు చెలరేగాయి.
కంపెనీ ఇళ్ల మధ్యలో ఉండడంతో స్థానికులు భాయందోళనకు గురయ్యారు. మంటు విపరీతంగా వ్యాపించడంతో స్థానికులు పోలీసులకు సమాచారం అందించారు. విషయం తెలుసుకున్న పోలీసులు, అగ్నిమాపక సిబ్బంది ఘటనాస్థలానికి చేరుకున్నారు. వెంటనే మంటలు అదుపులోకి తీసుకొచ్చారు. ఈ ప్రమాదంపై పోలీసులు కేసు నమోదు చేసుకొని దర్యాప్తు చేపట్టారు.
