Jai Hanuman Movie first look: డైరెక్టర్ ప్రశాంత్ వర్మ రూపొందించిన ‘హనుమాన్’ మూవీకి సీక్వెల్‌గా ‘జై హనుమాన్’ వస్తున్న సంగతి తెలిసిందే. తేజ సజ్జ, అమృత అయ్యర్ జంటగా నటించిన ‘హనుమాన్’ మూవీని కేవలం రూ.40కోట్లతో తెరెకెక్కించారు. ఈ మూవీ బాక్సాపీస్ వద్ద రూ.400కోట్లకుపైగా వసూళ్లు రాబట్టింది. అయితే ఈ మూవీకి సీక్వెల్‌గా ‘జై హనుమాన్’ మూవీ ఉంటుందని డైరెక్టర్ ప్రశాంత్ వర్మ అనౌన్స్ చేశాడు. తాజాగా, మేకర్స్ ‘జై హనుమాన్’ నుంచి అదిరిపోయే అప్డేట్ ప్రకటించారు. నేడు ‘జై హనుమాన్’ నుంచి ఫస్ట్ లుక్ రిలీజ్ కానుంది. అక్టోబర్ 30న జై హనుమన్ ఫస్ట్ లుక్ విడుదల చేయనున్నట్లు ప్రకటించారు. ఈ మేరకు మేకర్స్ హనుమాన్ వెనకాల నుంచి ఉన్న పోస్టర్ విడుదల చేశారు. ప్రస్తుతం ఈ ఫస్ట్ లుక్ ఆడియన్స్‌లో క్యూరియాసిటీ పెంచుతోంది.
