ప్రతిపక్షం, మెదక్: గుర్తుతెలియని రెండు మృత దేహాలు లభ్యమైన సంఘటన నర్సాపూర్ పట్టణంలో కలకలం రేపింది. పోలీసులు తెలిపిన వివరాల ప్రకారం నర్సాపూర్ పట్టణంలోని కాగజ్ మధ్బార్ గ్రామానికి వెళ్లే రహదారి పక్కన చెట్ల మధ్యలో ఓ మహిళ, ఓ పురుషుడి మృతదేహాలు పూర్తిగా కాలిపోయి ఉండడంతో అటువైపు వెళ్లిన ఓ వ్యక్తి పోలీసులకు సమాచారం అందించాడు. వెంటనే పోలీసులు ఘటన స్థలానికి చేరుకొని వివరాలు సేకరించారు. ఈ సంఘటనపై పోలీసులు కేసు నమోదు చేసి దర్యాప్తు చేస్తున్నారు.
