*3 కిలోమీటర్ల మేర నిలిచిన వాహనాలు, ప్రయాణికుల తీవ్ర అవస్థలు.
*దండు మల్కాపురం వద్ద రోడ్డు మరమ్మతులతో వన్ వే.. బారులు తీరిన వాహనాలు.
*ధర్మోజిగూడెం నుంచి ఖైతాపురం వరకు 3 కి.మీ మేర నిలిచిన వాహనాలు.
*తీవ్ర ఇబ్బందుల్లో వాహనదారులు – మరమ్మతులు వేగవంతం చేయాలని డిమాండ్.
ప్రతి పక్షం చౌటుప్పల్, అక్టోబర్ 30: విజయవాడ-హైదరాబాద్ జాతీయ రహదారి (NH-65) పై ప్రయాణించే వాహనదారులకు తీవ్ర అంతరాయం ఏర్పడింది. చౌటుప్పల్ మండలం దండు మల్కాపురం వద్ద పాత రోడ్డును తవ్వి మరమ్మతు పనులు చేపట్టడం వల్ల రహదారిపై భారీగా ట్రాఫిక్ జామ్ అయ్యింది.రోడ్డు మరమ్మతుల కారణంగా అధికారులు వాహనాల రాకపోకలను వన్‌వే (One-way) మార్గంలోకి మళ్లించారు. ఎదురెదురుగా వాహనాలు రావడం, రద్దీ ఒక్కసారిగా పెరగడంతో ట్రాఫిక్ నెమ్మదిగా కదులుతోంది. చౌటుప్పల్ మండలం ధర్మోజిగూడెం నుంచి ఖైతాపురం వరకు సుమారు మూడు కిలోమీటర్ల మేర కిలోమీటర్ల కొద్దీ వాహనాలు బారులు తీరాయి.సాధారణంగా కేవలం కొద్ది నిమిషాల్లోనే దాటేసే ఈ మూడు కిలోమీటర్ల దూరాన్ని చేరుకోవడానికి ప్రస్తుతం వాహనదారులకు దాదాపు రెండు గంటల సమయం పడుతోంది. దీంతో హైదరాబాద్, విజయవాడ వైపు వెళ్లే కార్లు, లారీలు, బస్సులు భారీగా నిలిచిపోయాయి. అత్యవసర పనులపై వెళ్లేవారు, సుదూర ప్రాంతాలకు ప్రయాణించే ప్రయాణికులు గంటల తరబడి రోడ్డుపైనే వేచి ఉంటూ తీవ్ర అవస్థలు పడుతున్నారు.
రహదారిపై నెలకొన్న ఈ తీవ్ర ట్రాఫిక్ సమస్యను దృష్టిలో ఉంచుకుని, సంబంధిత అధికారులు స్పందించి రోడ్డు మరమ్మతు పనులను యుద్ధప్రాతిపదికన త్వరితగతిన పూర్తి చేయాలని, ట్రాఫిక్ ఇబ్బందులను తొలగించి ప్రయాణాన్ని సుగమం చేయాలని వాహనదారులు, ప్రయాణికులు డిమాండ్ చేస్తున్నారు.
