Abhishek Manu Singhvi elected Rajya Sabha: రాజ్యసభ సభ్యుడిగా అభిషేక్ మను సింఘ్వీ ఏకగ్రీవంగా ఎన్నికయ్యారు. రాజ్యసభకు కాంగ్రెస్ నుంచి అభిషేక్ సింఘ్వీ, స్వతంత్ర అభ్యర్థిగా పద్మరాజన్ నామినేషన్ దాఖలు చేశారు. ఎమ్మెల్యేలు బలపరచకపోవడంతో పద్మరాజన్ నామినేషన్ తిరస్కరణకు గురైంది. దీంతో రాజ్యసభ సభ్యుడిగా సింఘ్వీ ఎన్నిక ఏకగీవ్రమైంది.
కాంగ్రెస్ నుంచి అభిషేక్ మను సింఘ్వీ ఒక్కరే నామినేషన్ దాఖలు చేశారు. కాగా, తెలంగాణలో రాజ్యసభ ఎన్నికలకు నామినేషన్ ఉపసంహరణ గడువు ముగిసింది. ఈ మేరకు అభిషేక్ సింఘ్వీ నియామక పత్రాన్ని అసెంబ్లీ సెక్రటరీ నుంచి కాంగ్రెస్ పార్టీ సీనియర్ వైస్ ప్రెసిడెంట్ నిరంజన్ తీసుకున్నారు. అభిషేక్ సింఘ్వీ..2001 నుంచి కాంగ్రెస్ జాతీయ అధికార ప్రతినిధిగా పనిచేస్తున్నారు. ఆయన 2006, 2008 రెండు దఫాలుగా రాజ్యసభ సభ్యుడిగా కొనసాగారు.
