Bhadradri Encounter: భద్రాద్రి కొత్తగూడెం జిల్లా గుండాల మండలం నీలాద్రిపేట అటవీ ప్రాంతంలో నక్సలైట్లకు, పోలీసులకు మధ్య ఎదురు కాల్పులు జరిగాయి. గ్రేహౌండ్స్ బలగాలకు, లచ్చన్న దళానికి మధ్య ఈ ఎదురు కాల్పులు జరిగినట్లు తెలుస్తోంది. ఈ కాల్పుల్లో లచ్చన్నతో సహా దళ సభ్యులు మొత్తం ఆరుగురు మృతి చెందినట్లు సమాచారం. ఈ కాల్పుల్లో గ్రేహౌండ్స్‌కి చెందిన ఒక కానిస్టేబుల్‌కు కూడా తీవ్ర గాయాలైనట్లు సమాచారం. ఘటనా స్థలంలో పోలీసులు భారీగా సామగ్రిని స్వాధీనం చేసుకున్నారు. కాగా.. ఛత్తీస్‌ఘడ్ నుంచి వలస వచ్చిన మావోయిస్టు పార్టీకి చెందిన లచ్చన్న నాయకత్వంలో గతకొన్ని రోజులుగా ఈ దళం ఇక్కడి అడవుల్లో సంచరిస్తోంది.
