CM Revanth Reddy Vinayaka Chavithi pooja: హైదరాబాద్‌లోని ఖైరతాబాద్ వినాయకుడిని సీఎం రేవంత్ రెడ్డి దర్శించుకున్నారు. ఈ మేరకు సప్తముఖ మహాశక్తి గణపతికి నిర్వహించిన తొలి పూజలో ఆయన పాల్గొన్నారు. అనంతరం వినాయకుడికి పండ్లు, ఫలహారాలు అందజేశారు. అంతకుముందు గణేశ్ ఉత్సవ సమితి నిర్వాహకులతోపాటు ఎమ్మెల్యే దానం నాగేందర్ సీఎంకు ఘన స్వాగతం పలికారు.
ఈ నేపథ్యంలో మహాగణపతి వద్ద భారీ బందోబస్తు చేపట్టారు. అలాగే ట్రాఫిక్ ఇబ్బందులు లేకుండా పోలీసులు చర్యలు తీసుకుంటున్నారు. ఈ కార్యక్రమంలో రాజ్యసభ సభ్యుడు అనిల్ కుమార్ యాదవ్, ఏఐసీసీ రాష్ట్ర వ్యవహారాల ఇంఛార్జీ దీపాదాస్ మున్షీ, స్థానిక నాయకులు పాల్గొన్నారు.
