TG DSC 2024 Final Key: డీఎస్సీ అభ్యర్థులకు గుడ్ న్యూస్. తెలంగాణ డీఎస్సీ పరీక్షల ఫైనల్ కీని పాఠశాల విద్యాశాఖ విడుదల చేసింది. ఆగస్టు 13న ప్రిలిమినరీ కీ విడుదల చేయగా.. తాజాగా, ఫైనల్ కీ విడుదల చేసింది. ఈ మేరకు https://schooledu.telangana.gov.in/ISMS/ వెబ్‌సైట్‌లో అందుబాటులో ఉంచారు. త్వరలోనే ఫలితాలు విడుదల చేయనున్నట్లు సమాచారం.
రాష్ట్ర వ్యాప్తంగా 11,062 టీచర్ పోస్టుల భర్తీకి గత ఫిబ్రవరిలో తెలంగాణ సర్కార్ నోటిఫికేషన్ విడుదల చేసింది. జులై 18 నుంచి ఆగస్టు 5 వరకు ఆన్ లైన్ విధానంలో డీఎస్సీ పరీక్షలు నిర్వహించింది. ఈ పరీక్షలకు 2,45,263 మంది అభ్యర్థులు హాజరయ్యారు. ఈ మేరకు విడుదల చేసిన ఫైనల్ కీని స్కూల్ అసిస్టెంట్, లాంగ్వేజ్ పండిట్, సెకెండరీ గ్రేడ్ టీచర్, ఫిజికల్ ఎడ్యుకేషన్ టీచర్ పోస్టులకు సంబంధించి వేర్వేరుగా వెబ్‌సైట్‌లో అందుబాటులో ఉంచారు.
