*అక్రమ అరెస్టులతో ప్రజాస్వామ్యాన్ని ఖూనీ చేయొద్దు : మున్సిపల్ చైర్మన్ డా. కోడి శ్రీనివాసులు
ప్రతి పక్షం చండూరు, అక్టోబర్ 08: రాహుల్ గాంధీ, ప్రియాంక గాంధీ మరియు ఇండియా కూటమి నాయకుల అరెస్టును ఖండిస్తూ చండూరులో కాంగ్రెస్ నాయకులు గురువారం రాస్తారోకో చేశారు.ఈ సందర్భంగా మున్సిపల్ చైర్మన్ డా. కోడి శ్రీనివాసులు, మండల పార్టీ అధ్యక్షుడు మేకల సాగర్ రెడ్డి, పట్టణ అధ్యక్షుడు ఐతరాజు మల్లేష్ లు మాట్లాడుతూ కేంద్ర ప్రభుత్వ చర్యలను ఎంత మాత్రం సహించేది లేదని, ఎంతకైనా పోరాటం చేస్తామని తెలిపారు. నరేంద్ర మోడీ, అమిత్ షా లు ఇండియా కూటమి నాయకుల పోరాటాన్ని ఆపలేరన్నారు. వీరి కనుసన్నల్లోనే ఎన్నికల సంఘం అక్రమాలకు పాల్పడుతుందని అన్నారు.
కేంద్ర ఎన్నికల అధికారి విఘ్నేశ్ కుమార్ ను వెంటనే విధుల నుంచి బర్తరఫ్ చేయాలని డిమాండ్ చేశారు. అక్రమ అరెస్టులతో ప్రజాస్వామ్యాన్ని అపహాస్యం చేస్తున్నారని, ప్రజలు అన్నీ గమనిస్తున్నారని, తగిన గుణపాఠం చెప్తారని అన్నారు. అర్హులైన వారి ఒక్క ఓటును తొలగించినా ఎంత మాత్రం సహించేది లేదని, ఉద్యమాన్ని ఉధృతం చేస్తామని హెచ్చరించారు. ఢిల్లీలో రాహుల్ గాంధీ, ప్రియాంక గాంధీలపై పోలీసులు దాడి చేయడం అత్యంత దుర్మార్గమని, ఇది ప్రజాస్వామ్య వ్యవస్థపై జరిగిన దాడితో సమానమని అన్నారు.
ఈ కార్యక్రమంలో మున్సిపల్ వైస్ చైర్మన్ భూతరాజు దశరథ, జిల్లా నాయకుడు కాసాల జనార్థన్ రెడ్డి, కౌన్సిలర్ కోడి సుష్మ వెంకన్న, మండల, పట్టణ మహిళా విభాగం అధ్యక్షులు పందిరి రాధా, కారింగు పల్లవి, ఫరీఫ్, మొగుదాల వెంకన్న, కోఆప్షన్ ఖలీలు, కాంగ్రెస్ పట్టణ ప్రధాన కార్యదర్శి సంగెపు శ్రీను, నాయకులు పన్నాల లింగయ్య, కారింగు రామ్మూర్తి, నేర్లకంటి రవికుమార్, సుజావుద్దీన్, కన్నేబోయిన నాగరాజు, ఇరిగి వెంకటేశం, గండు వెంకట్ గౌడ్, రమాదేవి, పంగ రామకృష్ణ, బొల్ల జనార్థన్, సత్యం, సర్వేశ చారి తదితరులు పాల్గొన్నారు.
