NATIONAL TEACHERS’ AWARDS: జాతీయ ఉత్తమ ఉపాధ్యాయ అవార్డు- 2024లను కేంద్ర ప్రభుత్వం ప్రకటించింది. ఈ ఏడాది ఉత్తమ ఉపాధ్యాయుల జాబితా తెలంగాణ నుంచి ఇద్దరు ఉపాధ్యాయులు చోటు దక్కించుకున్నారు. ఈ మేరకు ఆ ఇద్దరు ఉపాధ్యాయులకు జాతీయ అవార్డులు అందుకోనున్నారు. ఖమ్మం జిల్లా తిరుమలాయపాలెం జిల్లా పరిషత్ ఉన్నత పాఠశాల ఉపాధ్యాయుడు ప్రభాకర్ రడ్డి పెసర, సిరిసిల్ల దమ్మన్నపేట జిల్లా పరిషత్ ఉన్నత పాఠశాల ఉపాధ్యాయుడు తాండూరి సంపత్ కుమార్‌లకు ఈ ఉత్తమ జాతీయ పురస్కారం వరించింది.
దేశంలోని ప్రాథమిక, మధ్య, మాధ్యమిక పాఠశాలల్లో పనిచేస్తున్న ప్రతిభావంతులైన ఉపాధ్యాయులకు ప్రజల గుర్తింపునిచ్చేందుకు ప్రతి ఏడాది సెప్టెంబర్ 5న ఉపాధ్యాయ దినోత్సవం సందర్భంగా భారత రాష్ట్రపతి ప్రదానం చేయనున్నారు. ఈ అవార్డులను అన్ని రాష్ట్రాలు, కేంద్ర పాలిత ప్రాంతాల నుంచి వచ్చిన దరఖాస్తులను స్వీకరించి షార్ట్ లిస్ట్ చేస్తారు. అనంతరం పరిశీలించి జాతీయ అవార్డులకు ఎంపిక చేస్తారు.
